ضروووووري تعرف هادشي على “الطاكسيات” سيارة الأجرة الصغيرة بأولادتايمة
أجي تعرف اشنو اللي ليك .. واشنو اللي عليك في سيارة الأجرة الصغيرة بمدينة أولاد تايمة هوارة :
أول حاجة اي طاكسي بغيتي تركب فيها شوف الرقم ديالها هو الأول الرقم لي مكتوب الفوق بورتباكاج ديال طاكسي و اعقل عليه مزيان محيت غادي تحتاجو.
فاش كيوقف ليك طاكسي خاوي ركب عاد قوليه الوجهة ديالك و ماعندوش الحق يرفض مادام الوجهة ديالك داخل المجال الحضري “يعني داخل مدينة أولادتايمة”، في حالة رفض قدم شكاية ضدو أما فالكوميسارية أو مخفر الشرطة لي فالمحطة طاكسيات الكبار بجانب مقر بريد بنك بأولادتايمة
الطريفة القانونية المعمول بها داخل مدينة أولاد تايمة هي (7,50 دراهم ) و كتغير في الحالات التالية ( من الثامنة مساءا إلى السادسة صباحا ( 10 دراهم ) + الحمولة الزائدة يعني الباكاج فايت 10 كيلو # دخلتي الطاكسي لأزقة الضيقة و الطريق الغير المعبدة لابيست # إيلي خليتيه يتسناك فوق من 5 دقائق )
فاش كيوقف ليك طاكسي و هاز معاه راكب آخر من حقو يسولك على الوجهة ديالك قبل تركب واش فنفس الإتجاه فين غادي الزبون لي سابق راكب فالطاكسي .
ملاحظة هامة : أي مشكل عندك مع سائق الأجرة غاتعقل على رقم الطاكسي و غاتقدم شكاية لدى أحد المصالح الآتية ( الشرطة أو الباشوية، العمالة ووو)
وانتوما كيفاش كتجيكم معاملة سائقين سيارات الأجرة الصغيرة…؟؟
شارك هذا المحتوى :
إرسال التعليق